هذا الفلم نزل هالاسبوع في سينمات الكويت .. على الرغم من ان كانت تعرض دعاياته من فتره طويله وكان راح ينزل من فتره طويله لكن تم تأجيله اكثر من مره الى ان استقر على هالاسبوع!
الفلم من بطولة مصطفى شعبان وغاده عادل ومجموعه اخرى من الفنانين والاخراج لمجدي الهواري!
اول شي بالنسبة لمصطفى شعبان .. باعتقادي الشخصي ان افلامه اللي مثلها بعد فلم مافيا كانت توعد بولادة نجم جديد في شباك التذاكر لكن للأسف اخترب ادائه بالتحديد من بعد المسلسل الرمضاني اللي مثله “العار” .. الشخصيه اللي مثلها كانت بارده ومافيها تقمص .. وبالضبط نفس شكل الشخصيه والتعبيرات رجع عادها في هذا الفلم!! .. كلش ما اقنعني ادائه وكان اسوء جزء بالفلم!
اما بالنسبه للقصه .. القصه كانت حلوه صراحه .. من نوع قصص الغموض اللي تخليك طول الفلم تبحث مع الممثلين عن خيوط الحبكه الدراميه بالقصه وتحاول تفهم شنو بالضبط الموضوع .. عجبني الفلم واندمجت فيه صراحه
وانا ذكرت اسم المخرج بالبدايه لان صراحه المخرج كان احد ابطال الفلم .. حاول ان يخرج فلم بشكل مختلف عن المعتاب واستخدم تقنية التحويل بين القصص المصوره والواقع .. نجح فيها في بداية الفلم لكن بعدين راح تحسون انها قاعده تتكرر بدون داعي!
وهم حاول يستعرض عضلاته الاخراجيه في اماكن ما كانت تستحمل استعراض .. او خلونا نقول مو في محلها!!
الفلم بصوره عامه حلو .. مقطع طبعا .. بس فيه فكره .. من طقت فلم “ملاكي اسكندريه” بس مو بقوته طبعا!
